Janariak berotu edo prestatzeko mikrouhinez baliatzen den sukalde-tresna. Ate batez ixten den labe-modukoa da. Baliatzen den funtsezko fenomenoa berotze dielektrikoa da (material dielektriko bat eremu elektriko aldakor baten eraginpean jartzen denean, energia elektrikoaren parte bat bero bihurtzen da: galera dielektrikoa). Elikagaietako urari eta bestelako molekula polarrei eragiten die mikrouhin-erradiazioen eremu elektromagnetikoak, eta galera dielektrikoa dipolo elektrikoen errotazioan disipatzen den bero-energia da.